Thalkhawromei

Phuahtu: Anthony Vanlalrawna Satu: Zoherliani Thalkhawromei a zam chi chiai e, Han chuan ila tuklo ram thingte chhawl hnuaiah; Hramthiam va leh thalawi lelte in zai lo sa, A riang suihlunglen ti zual tur in. Hunpui inher danglam zelah hian, Lunglen zunzam in min phuar thin ka tang laiah, Lelte di ngai mah in thingtin zar a awi, Suihlunglen zual chang in relthang dawn lo a tah ruai ruai a awl mang e. Furpuiah lenkawl a hnim ruai e, Tuanrel kham an khuang ruahpui sur a chiar nghian e; Fur khawthiang in tlang tin  mual tin a lo kai a, Thinlai chhum ang zing a kiang leh thin. Thalfavang lenkawl a lo eng a, Nunhlui liamhnu thinlaiah an lo thar leh e; Hraileng an ngir sul haw hmuak in dai lung rawnah, Tlai ni tla eng no ri riai hnuaiah. Sikni engmawi a herchhuak leh thin, Kumsul liam tur kei zawng ka ngaingam mawlh lo e; Di zun ngaih leh khawtlang lunglen ti zual tur in, Nunhlui ngaih puan ang ka bang thei lo.