Tua sisan

A phuak: T Pumkhothang A sa: Dove Quartet I Toupa hon itna lian hina lawmlawm, Hoihna khat zong neilou i hihlai in; Itna sisan hongluang in a hon tanta, A ta’n hon bawl lamdang e a hon itna.  Tua sisan hi, ka lung nop a kimna,  Tua sisan ahi ka kisaktheihna pen;  Kalvary khros a sisan hong luangkhia,  Kei a di’n aw ka damna tua sisan hi. Eimah utdan a om in i leeng jel a, Amah i heisan lai a hon it pa; Lam pialsan a i om zong hon it lailai, Toupa it bang’ itna dang a omlou e. Mihingte it vang in aw a hong thuak a, I mohna liammate a damsakta; Aw miteng dia hinna lui a hong luanna, A dawnte di’n damna lui a hong hita.