Vanduainain min tuam

Phuahtu: Saihnuna Satu: Zaia Faktute Chawngtlai Vanduainain min tuam, Chhum angin a zing kan runah; Kian leh ni a awm thei ang em? Ti hian ka han thlir a. Aw, khawngai fa ka va riang em ve aw! Tapin tlai ni ka leng leh thin; An sawi Van ram tuala leng te'n, Engtin min rawn ngai ve ang maw! Thlafam ngaih a na e, Ka tuar thiam ve dawn hleinem maw! Chung Pathianin min hual rawh se, Ka tan khua vartir se. Ka tap, ka tap dawn e, An hlimthla ka hmu thinlaiah; Biak leh ni a awm thei ang em? Kan thinlai min run e. Ka lunglai a kham reng, An chenna tur ram ka thlirin; Engtikahnge ka len ve ang? Lui ral khaw mawiah khian.