An ruat Lal Imanuela

Phuahtu: Ralngama Satu: Phullen Vengthar Kohhran, KC Hmingtea An ruat Lal Imanuela, Adam thlah sual avangin; Van ropui rangkachak ram pelin, Judai ram Bethlehem-ah, Hmun a awm lo Lal pian nan, A nghak ranthleng Bethlehem daiah. Lawmin i zai ang u, Min Tlantu a piang ta; Haleluia, a hming i fak ang; Lei chungah rem leng se, Hnam ze tinrengte tan, Kan tan damna a rawn thlen ta e. Kaisar lal hming ziak laiin, Bethlehem berampute; An vel Lal ropuiin a chhun eng; "Hlau suh ulang, ngai rawh u, Chanchin lawmawm ka rawn thlen, Chhandamtu a piang ta e," tiin. I ngai lo'm ni, Chhandamtu, Lung man tam khawpui tual nuam, Engah nge ranthleng chungah i zal? "Aw, ka ngai, ka van khawpui, Mahse, nangmah vang hianin, Lei hrehawm thimah ka vai a ni." Khawvel lal tam tak an piang, In mawi ropui tak chhungah; En teh, Van Lal pianna bawng in saw, Aw, ka thla, i Lal a ni, Zawtin zawng la, ranthlengah, "A chun riang Marin a chawi," an ti.