Aw hun leh kumte an ral zel

Phuahtu: Rokunga Satu: Tahan 'A' Group Aw, hun leh kumte an ral zel a, Khawvel ropuina te an lo chuai; Kan hlim lai nite zawng pawh an inher liam a, Hun danglam tawh lohna pan turin. Kan hlim lai ni leh hun leh kumte ral mah se, Hun danglam tawh lohna ramah khian; Nunna thing daihlim hnuaiah kan chawl kumkhua ang, Lawmnaten min liamsan tawh lo vang. Chhawrthlapui van zawla leng mah khi, Zan tlaiah kawlrawn a her liam thin; A lenna van zawl tual nuam chu ngai mah sela, Chung Pathian ruatin a her liam thin. Keini pawh chhimhlei tual nuamah hian, Hlim leh lawmin leng rih mah ila; Chung Pathian ruatin zamual kan la her liam ang, Chhimhlei tual nuam hi ngai mah ila.