Ka taksa lungngaih tuarin a rum

Ka taksa lungngaih tuarin a rum, Thlahtu Adama bawhchhiatna avangin; A lo kiang ang lungngaihnate zawng. Aw, van khawpui thar nuam chu, Ka ngai e aw, ka ngai e aw; Nunna tui a luang e, Lungngai fate kan la hlim ve nan. Van khawpui tual laia lengte zawng chu, An va mawi em, an puan var ropui sinin; Kei ka lenna thlaler ram a ni e. Aw, chu hmun ka thlen ve hun chuan, Nunna thing par vuana ka din hun chuan; Lei hrehawmna hi ka ngai tawh lo'ng.