Lenkhawpui tualnuam

Phuahtu: Rev. Chanchinmawia Satu: Davida te unau Sakhming an hril mi hrang lenna vangkhua, Hmanah doral sakhming 'Khandaih' an ti che maw? Lal lai thanglian Vanphung leh Awkpa tlang, Sakhming tuna'n 'Phullen' an ti, a mawi hluan e. Lenkhawpui tualnuam, nghilhni ka nei lo'ng che, Thlafamdairial ka chan hma loh chuan; I par mawi rimtui zothlifim leng vel e, Chhak, thlang, kiltin dengchhuak rawh se. Chhing zo awm maw Zofa zaleng zawngten, Sahlam, Mawmrang, Thanglai, Suanglung leh Sahmultual; Mihrang lungrual sakawlah fam mahse, Kawlkei hmaah zam lo khuatin hril lo ni e. Van Lal Rengpui zawnchhuah ngei lo ni, Lal lian lungmawl doral hrangin lo tawng mahse; Khuatin chhingin Van Lal zatlang mawitu, Chatuan Lal Lian zaleng lawmna ber lo ni e. Hmatin sawn Zofa zaleng zawng zingah, Zu leh nawmchen, drugs nen Setan ral a lian e; Thaval lanu lawmin thlafam an chang, Lenkhawpui lanu leh val an mawi chuang e. Lungphang lo la kan Lenkhawpui tualnuam, I tan kan hlan kan thiam, kan finna zawng zawng nen; Kan duai bil lo'ng sualna hnutiang chhawnin, Chung Pathian hruai Lenkhaw Zofa zaleng zawngte.