Lung reng a awi lo

Phuahtu: K Lalchamliana Satu: K LalchamlianaChung tur ni thlang tiangah a liam leh ta, Sul ang hawin siang kan lawina run maw; Ka bel ve run in zau chul riai, Min chhawntu kan duatlai i awm ta lo. Aw, engtin tuar zel ang i maw? Thinlaiah i hlui dawn si lo; I zalna piallei fam rolung mual, Thlir changin lung reng a awi lo. Kan run in lumtu val awm chhun, I chinlai, u leh nau zawng hrilhhaiin; Sakhmeltha Mama, Lalremruat, Kan au che i sakhming chhingmittui nen. I damlai hringnun zin kawngah, Sual vanga lungngaih leh harsatna te'n; An bawm che sakruang chul zo vin, A pawi em, kan phal lo famkhua lawi zawng. Inchhira autu hnar ngai lo, Ka Lalpa, ka hrai authawm kha; Ngaithla la, i hnen chawlhna nuamah, Haw turin kan thlah ta lo kuah nang che. Kan duat lai, i dam nan tiin, Kan bela maw damna run lungphangin; Mahse maw, famkhua lamtluang mai, A chang si a na em kan tuar thiam lo.